الأربعاء، 5 يناير، 2011

واجــــب تدوينى :)

ابدا كلماتى اولا ب/
بسم الله الرحمن الرحيم

هذا واجب تدوينى من دكتور كاسبر صاحب مدونة همسات قلب
فجزاكم الله خيرا على هذة الدعوة وان شاء الله نوفق فى الحل
انا قلت احل دلوقتى مادامت امتحان بكرة اتكنسل :) كعادة الشعب المصرى دائما ما يؤجل عمل اليوم الى بعد الغد :D

نبدأ فى الاسئلة ان شاء الله :

حياتك الدراسية في جملة

طالبة طب والحمد لله موفقة فيها وان شاء الله اكون عند حسن ظن أهلى لانى بحب اشوف فى عنيهم الفرحة دائما

حياتك العاطفية في جملة

الحمد لله ^ _ ^
وبلاش احراج بئة

لخص ما عشت في جملة

سعيدة رغم انها تتعقد احيانا الا انى افضل وصف انى لا أعيش اللحظة مطلقا !

ارسل الواجب لاربع مدونين

مش عارفة بس أرجو ان اعفى من هذا السؤال
مش بحب اترك اسئلة :D بس برضه مش بحب الطلبات :))

تعريف مختصر بالمدونة

الرد بالقياس لرد حضرتك دكتور اسامة
الاسم : هبة
19 سنة وشهور كلية طب بنها الفرقة الثالثة
فى البداية برضة كتبت عمل واحد وفكرته هيبئى الاخير هو كان صادق واثر فى ناس كتير
بعنوان :: اما وكفاك يا نفس نشرته على موقع طريق العلوم وقبل ما انشره اللى شجعنى عليه صديقاتى المقربات فنشرته
ومن بعده ايضا كتبت
دخلت على مدونات صديقاتى كارمن وزهرة نيسان وبالصدفة لقيتنى عملت مدونة معرفش ازاى بس الترايل اند ارور بيفيد كتير :D
قيل لى ان الكاتب الجيد من يكتب فى كل الالوان الا اننى لا امتلك تلك الشجاعة للخوض فى الوان معينة كالرومانسية
فى قرارة نفسى ان المشاعر اسمى من ان تخط على ورقة او ان يقرأها اى احد
فيما عدا ذلك كتاباتى كلها من النوع الرمزى او الفلسفى وبحب الشعر جدا جدا

انت لية بتدون...؟

انا اتجهت للكتابة بعدما تخليت عن هوايتى الاولى وهى الموسيقى يعنى كنت بحب اعزف على البيانو بس حسيت بالذنب جدا وتخليت عن الهواية دى حتى الاغانى ايضا لم اعد احب اسمعها كالسابق
انا احب رسم الانمى والعيون جدا وبرضه حسيت ان فى فراغ فحبيت اشغله بالكتابة بعدما نشرت العمل الاول ولقيت التشجيع

مكانتك العلمية التي وصلت اليها والتي تستطيع من خلالها ان تفيد الناس ؟

طالبة فى كلية الطب
عاوزة اتخصص جراحة عظام من وانا فى 4 ابتدائى حابة الموضوع
وكمان حلمت فى 3 ثانوى بكده وحاسة ان ربنا ممكن يكرمنى فى التخصص ده
رغم انه للرجال الدكاترة يعنى ^ _ ^ بس انا بحب المغامرة


متي كانت البداية ف التدوين بالتاريخ...؟

تاريخ لن ينسى
21 -12-2009 لانه برضه تاريخ ميلاد والدى 21-12 :D

كيف كانت البداية في التدوين ؟
شرحته فوق :D

لية انا مدون...؟
ايضا سبق ذكره See before

وما هي طموحاتك في هذا المجال...؟
امممم
انا نشرت برضه فى مجلة دفعتنا
وبجد اعجبوا اوى بيها والتعليقات بجد اسعدتنى
وقريبا مجلة الكلية كلها :)

الي اي مدي ارغب في التدوين...؟
لا ادرى العلم عند الله

الكتابة عن شيء تحبه...؟

اكتب عن السعادة
كتابات روحانية
او اى كتابة لها مغزى وفكرة جديدة
ولا احب العناوين او الافكار المستهلكة او المحاكاه
احب التطوير

المواقع المفضلة لدي وازورها باستمرار.. ؟

طريق العلوم
بنها طلبة
كل الطب
جروب دفعتنا على الفيس
وطبعا مواقع طبية كتيرة


وانا ايضا اتمنى الا اكون اثقلت عليكم
والسلام ختام
دعواتكم لان الامتحان الجاى شديد وانا بدلع جدا وبرضه مش هذاكر الا تحت الضغط كعادة المواطن المصرى الاصيل:)

هناك 6 تعليقات:

  1. السلام عليكم ورحمة الله وبركاته
    _______

    مفيش احسن من المذاكرة تحت ضغط D:
    ٍساعتها رعب الامتحان بيأثر على الوازع النفسي ويخلي الواحد ياكل الكتب ^_^

    ________

    بالنسبة للكتابات الفلسفية فحضرتك متميزة فيها جدا

    ________

    "ولا احب العناوين او الافكار المستهلكة او المحاكاه
    احب التطوير"

    دي حاجة جميلة جدا
    لأن الفكرة لما بتتعاد صياغتها كتير بتُستهلك
    لكن دائما الفكرة الجديدة بتجذب الانتباه
    وبتبقى زي العجينة يسهل تشكيلها

    _________

    بالنسبة للدراسة
    ربنا يوفقك وتبقى اشهر جراحة عظام في مصر وفي العالم كمان

    بس لما تشتهري ماتزوديش تمن الفيزيتا :D

    _________

    بالتوفيق دائما
    وفي انتظار كتاباتك

    خالص تقديري واحترامي
    تقبلي مروري

    Casper

    ردحذف
  2. السلام عليكم ،

    ربنا يوفقك يا دكتور ،
    وتكون أشهر وأحسن دكتور في مصر ..

    دمتِ بكل خير .

    ردحذف
  3. آنستى اى امر وراءه ضغط غير مستحب او مستصاغ كم اتمنى ان تمضى فيما يمليه عليك داخلك ولاتعيرى اهتماما لما هو خارج عن مصلحتك وخارج عن داخلك ، ربنا يوفقك وتضمك قائمة اشهر واعظم جراحى مصر

    ردحذف
  4. Casper
    ---------

    وعليكم السلام ورحمة الله وبركاته

    ---------

    اطلاقا يا ربى بجد اصعب اسبوع عدى عليا وخصوصا لما تكون راكن مادة وتجى لسة اول مرة تفتحها قبل الامتحان
    والمشكلة فى كل الدفعة مش فيا انا بس

    بس الحمد لله اهى عدت ^ _ ^
    ربنا يسترها على اللى جاى

    ------------

    اللهم امين ولكم مثل دعائكم الطيب
    بالنسبة للفيزيتا

    فبعد الشر عن الجميع
    بجد يعتبر القسم الاكثر حالات مأساوية
    لان مريضه بيبئى فى اغلب الاحيان عاجز ومعظمهم شباب
    وبجد كان نفسى او نفسى اقدم واساعد
    وحصوصا ان فى حد يهمنى امره دمر مستقبله ف حادث
    ليصير بعدما كان يخطو ويجرى ويمشى
    قعيدا فى الفراش وهو فى ذروة شبابه
    ربنا يشفى الجميع

    --------

    وبالتوفيق لحضرتك ايضا
    وسعيدة بالدعوة الجميلة
    بارك الله فيكم

    ردحذف
  5. زهرة نيسان
    ---------------

    وعليكم السلام
    يااااااااارب

    بجد انا املى فى ربنا كتير
    ولا انظر لاى جانب مادى
    بوصول لمكانة فهذا اخر ما يرد فى زهنى
    ولكن تقديم الجديد

    لقد اكتظ الطب بالطلبة الغير مبدعين وانتشرت المساوئ فى العلاج

    بجد نفسى كل ده يختفى
    وكل واحد يشوف شغله صح

    ربنا ييسر الخير للجميع
    وجزاكِ الله خيرا على المرور الجميل

    ردحذف
  6. faroukfahmy58
    -------------------

    جزاااكم الله خيرا
    وحضرتك عندك حق فى كل كلمة

    يمكن كنت اريد ان ابكى ولكن مش لاقيه وقت وعاوزة اخلص كل حاجة فى نفس الوقت

    الحمد لله انه عدى
    وعقبال لما اتنفس الصعداء بأخر امتحان
    ربنا يستر

    جزاكم الله خيرا كيرا

    ووفقكم

    ردحذف